Google+ Followers

السبت، 14 يونيو، 2014

الربيع العربي - هبة طوجي




عن أيا ربيع بغنّي عن أيا ربيع بقول
 هالوجع الطالع مني صرخة من قلبي المشغول
 عن أيا ربيع بغنّي عن أيا ربيع بقول
هالناس اللي عم تسقط هني أبرياء ومين المسؤول
حلمنا بربيع مزهّر عطرو ينتشر عَ الناس
طلع الربيع محيّر زهّر دم ولاد وناس
بديِت بعربية خضرا وِلعت ثورة بالميدان
عملو ثورتنا حمرا تقتل باسم الأديان



دول كبيري دخلت فينا بْمصالحها السياسية
طار النعس من ليالينا بحورتنا مش محمية
جابوهن من ضيع بعيدي هودي بربر المغول
بِقلبن وحْشة وعقيدي لا بتتجادل لا بتزول
هدير صواتن اْتدفق قالولن انتو مقاتلين
الوطن العربي الكن خندق لا تفرقو ولا دين
الشعوب القررت مسارا حقا تعيش بحرية
لكن الثورة يا خسارة ردتهن للعبودية
سمونا الربيع العربي زهّر خريف الفوضى
الغرب خلّى الشعب العربي ما يحرر ثورة بيضا
خوفي ع هالشعب العربي غيرو يحررلو الثورات
ويبقى جاهل متل الصبي يحكم بصفوف الروضة




ثورة التغيير لتطوّر مش لترجع لورا
خوفي لا هالثورة تأخّر وتصيرنا مسخرة
بدي ربيعي يكون اخضر تيبشر بصيف جديد
عملونا الربيع الأحمر رشّونا سلاح وحديد
من خلف الربيع بتسطع شمس الصيف المضوية
بعد الصيف الخريف بيسمع رعد الغيمة الشتوية
حتى بكرا الشتي يطلع يغسل اراضينا الحمرا
دورة الحياة بترجع بالصرخة الإنسانية


ليست هناك تعليقات:

إرسال تعليق